[Arabic] - سترونج ولكن

الحلقة الثانية من سلسلة 'سيكريت-شوت'

'ليه الرجالة بتكره الست القوية؟ طب ليه الراجل بيحب الست القوية لكن بيتجوز الضعيفة؟ لو قالكِ يا أنا يا شغلك هتعملي إيه؟ مفيش جروب من جروبات الستات إلا واتطرح فيه سؤال يخص موضوع ال strong independent woman.. في الحلقة الثانية من سلسلة 'سيكريت-شوت' هنوقف الزمن وناخد screenshot من مساحات الستات الخاصة والسرية على الفيس بوك، هنناقش مشاكلهم وهمومهم وأفكارهم في دردشة نسائية باللغة العامية عامية.
مش مهم قربتنا ولا بعدتنا عن بعض، المهم أن السوشيال ميديا خلقت لينا مساحة للفضفضة والبوح والكلام بحرية من غير عيب ومايصحش، مساحة استغلناها كبنات وستات عشان نتكلم ونحكى ونتألم ونصرخ ونكون على راحتنا أوى، عشان انا وانتى وهى تقريبًا نفس الوجع.. فاهمين بعض وحاسين ببعض لأن مشاكلي هى مشاكلك ومشاكلها بس ما بنقدرش نحكيها فى الواقع لأنهم بيعتبروها زى صوتنا بالظبط، بيعتبروها عورة!